嘆息之牆.....壯觀.......
有咁多菲林係因為就快去旅行, 要入定d貨準備(其實只係入返少少, 平時都有存貨). 但係怕自己玩完返黎唔記得左一d野, 所以將平時o既筆記放上黎先, 費事唔見左.
入面d野只係筆記, 冇野好睇.
由負片開始, 負片基本上冇一個標準色, 寬容度高係佢既特點. 除非放相時已經特別說明或者是用專業型負片, 否則一般來說色彩是比較淡. 專業型底片和通用型的不同是, 專業型底片有特定的性格/用途. 在某一方面特別出色. 通用型因為沒有特定用途, 所以比較平淡.
基本中的基本, 黑白負片, 用400度係因為要佢粒子粗d. 富士都有出, 不過粒子太滑. 反差中性, 易用.Push一級效果好一點.
Kodak, 100度彩色, 色彩比較濃, 反差唔高. 對色溫幾敏感. 好易偏色.
富士400彩色, 一隻相當好用既常用菲林, 粒子十分幼滑, 可以谷兩級當1600用, 反差高, 好硬, 色偏淡.
跟住就係正片, 不過正片我只有用濃色(豔麗)版本, 其他都未用過.
Kodak100度vs(E100VS), 基本上所有顏色都加強不過對紅黃色特別敏感, 影人衰硬, 非人像一般相, 十分討好. 不過好難scan, 因為張片好厚.
富士 Velvia 50度(RVP50), 低感度菲林,粒子好幼好幼, scan出來100%都唔覺起粒. 反差相當高, 對藍綠兩色敏感 而色階好密. 不過其他色相對上差, 所以一般影風景多d.
富士Velvia 100度(RVP100)係Velvia50o既高感光版, 色彩特性一樣, 不過淡色D, 冇咁誇張, 而且比velvia 粗d, 用唔熟.
富士100度F, 大致下同Velvia 100差唔多, 粒子幻d, 色又濃返d. 不過有d時間d色彩會出現一些偏小小紅, 不過好難捉, 所以用得比較多.
富士Provia 100度F(RDP3), 網上說是100度中粒子比較幼的型號, 可以谷兩級當400度用, 寬容度比其他大, 易上手. 不過色彩是最淡的, 色彩上好難吸引人.
